يا دنيا هاتى
يا دنيا هاتى كمان هاتى
ميهمكيش ابكى اهاتى
انا كل ما اقول تتعدل
اهاتى بتنادى اهاتى
كل ما اقول بكرا تحلا
بتصعب ال كانت سهله
ليه كل الناس حابه الدنيا
معا انها مش مستاهله
الدنيا فترة بنقضيها
وال يسبت تفاهتها مضيها
اهى الفانيه خلت كل الناس
تغش وتجرح بعضيها
وخلتنا على الظالم نوافق
ونكدب نلاوع وننافق
مهى دنيا وال يكدب فيها
بقيلو اصحاب ومرافق
دى دنيا خاليه من الطيبه
وغريبه واوضاعها غريبه
والطيبه فيها بقيت عيبه
والعيبه بقيت مش عيبه
وعلى العيبه شجعنا العايب
وسهينا من الغلط السايب
الشر والخير اتصالحو
والصح والكدب حبايب
وعملنا للظالم قيمه
واهى كلمة الحق جريمه
والجد قلنا عليه رجعى
والحر بقى دقه قديمه
الدنيا مين خلد فيها
او حتى خد شىء منيها
اياك تأمن للدنيا
دى غروره هاده ال بنيها
وكل يوم على نفس المنوال
بتجد معانا فى الاحوال
مع اننا عارفين نهايتها
مهما عشنا اخرتها زوال
بواسطة / سلطان | ||
مشاهدات | 111 | |
في | 2022-05-19 16:49:54 |
حقوق التصميم والنشر 2024©