ع أيامنا كان 😌❤

ع أيامنا كان لسا في دوام صباحي و مسائي.. كان السبت دوام.. و ما كنا نلاقي فرصة نلعب غير الخميس..
ع أيامنا كانت الليرة تحكي و رواتب أهالينا تكفّي تياب مدرسة و قرطاسية للبيت كلّو.. كان في بركة.
‏ع أيامنا كانت الطرقات مزينة بالشجر و الورد أكتر، كانت الشتوية أدفى
كان في مازوت و كهربا ..
ع أيامنا لبسنا المريول البني و الأزرق.. و دخلت اللغة الانكليزية عالصفوف الابتدائية.. كنا نشوف حالنا
‏ع أيامنا كانت سندويشة الزعتر و التفاحة بالفرصة أحلى شي كان يصير خلال اليوم..
ع أيامنا لما نرجع عالبيت ما كان ناطرنا تلفون و لا آيباد نحضر يوتيوب أو نلعب ألعاب.. كنا ناكل و ندرس.. و تشتي برّا ونعيش
كل هل التفاصيل الحلوة!
ع أيامنا كان كلشي حلو ..

لكن ع أيام هادا الجيل شو ؟