ثاريت الرفاقه كي اذرات الغله ..

ثاريت الرفاقه كي اذرات الغله ..
رقيقة الفص مع الفرز اطيح .
الحمل الثقيل ايريد ثلب ايقله ..
وحمل الهزيل مع المت ايميح
اهناك الرفيق اللي دوا للعله ..
لايجيك منه عيب لاتجريح
رفيق المصالح رفقته مختله ..
مع الوقت تكتشفه عطيب صحيح
خاين اعهود انكان عاهد ولى ..
بطول الطريق ايصيرله تجنيح
وماتوجعك خونه اخباث المله ..
ولاتوجعك سية انسان قبيح
وياخوي راه اللي صنيع الذله ..
اموالف عليه الكذب والمذريح..
في بير جبروني ابدلوا دلى ..
ومايصادروا لكن امغير فحيح
لفاعي احقاف ويكرسن في ظله ..
مايقابلن شمس الضحى اللفيح .
......وسلامتكم .....