عايش هني مرتاح ورايق حالي

عايش هني مرتاح ورايق حالي
مانشيل في قلبي عتب للغير
الناس كلهاا عندي اعزاز غوالي
ولصحاب عندهم عندي مقام كبير
غير ربنا مالي طمع في والي
واللي يريدها رب العباد اتصير
واللي قاسمه بإذن الكريم توالي
وبإذن الله مايقسم أمفات الخير
خلي حسن ضنك فالكريم العالي
توكل يكون الله فالتدبير
عزيز نفس حتي كان جيبي خالي
عصران عشت في عمري نضيف ضمير
عندي عزم لحظه ضعف مايابالي
وعندي عقل يوزن فالاحوال خبير
وان جيت للغلاء عندي غالي
علي راحته كيف مايريد ايدير
ياخذ هناي وراحتي ودلالي
له من صفا قلبي بلا تفكير
يجول كيف مايبي فوسط خيالي
غلاه عطر ينعشني تقول عبير
ومع صاحبي صادق وفي طوالي
وان كانهوا حكي سره يكون فبير
ان كان غاب مايقصر عليه اسوالي
وتاسفت لو مني بدر تقصير