مليت من كثر الاغلاط

تعلآم ليش مالي أنياط ........ أُوكاره الدّوج أُوسريبه
مليت من كثر لغلاط ......... علي شي خاطي الصيبّه
أفلان زين وأفلان لخباط ... أبعد أفلان وأفلان جِيبّه
كلام جابلي شك وأحباط ....... في درب عفّه أُوطيبه
أُوريت بينا إيعول خياط ....... بالسودّه ونفذ العطيبه
وأحنا للعرب رآس ملقاط ............ علَّلنا نهج أُودريبه
وأنوّصو علي حمل لمقاط .... وشيل الحمُول الصليبّه
والفزعّه ان صار عياط ........ ألجارك أوقات المصيبّه
ولا أتكون عياب شطشاط ........ عيب البنادم إيعيبه
أمغير دينآ كيلي لآط ......
أبعَيب ونميمّه أُوغيبّه
أُوكآسِي نظرنا غَطاط .......... أخطِيبنا مسارب الهيبّه
مفروض أحمّدِي إيكون لبساط .... بين العقُول اللبِيبّه
وايكون دَيهّن ضَيْ صِيراط . للصايبّه الذّاهب إيجيبّه