فراقك فعل مش فاضح
فراقك فعل مش فاضح " أميره البيلي "
حبيته من قلبي ، ملقيتش غير ذله
اذا كان حبيبك عسل ، متخلصوش كله
هددتني بغياب ، وأنا كنت مش قده
فـ مسكت فيك وبغلب ، وقولت متسبنيش
ظنيت فـ قلبك خير ، وانا ظني جه علي مفيش
وقولت عني كلام والله مش فيا
وشفتني ببكي ، رديت بسخرية : " معلش يا ضحية "
صوت قسوتك يومها سمعته باستغراب ..
مين الي علي التليفون ! انت الي حبيتك ؟
الصوت خارج منك بس الكلام من مين !
مين انت فهمني ! آخرتها تهملني ؟
آخرتها تنهيها بالكسرة دية ليا ..
آخرتها تنهيها بكلام مهوش فيا ؟
جيتلي وارضك بور ، فـ زرعت فيك م الورد ..
ووهبت قلبك دفي ، كيف الكوفية فـ برد ..
اديتني ايه انت !؟
غير الوجع والخوف ، اديتني ايه غير حزن ع المكشوف
بواسطة / سلطان | ||
مشاهدات | 54 | |
في | 2022-10-23 14:06:11 |
حقوق التصميم والنشر 2024©