فلسطين في قلوبنا لا تنسوها من دعائكم
بكرا جايز يتأخر
بكرا جايز يتأخر لكنه جاى
وكل ليل بيعدى فيه بعده ضى
اصبر وشوف.. ارمى الخوف
الحلم جواك مش ميت لكنه حى
المطر يمكن يتأخر عن نبتتك
حتى الندى جايز يخاصم وردتك
ولو جفاف .. اوعى تخاف
بكرة الشجر هايكتر ويملا جنتك
اوعى اليأس فى يوم يوقف خطوتك
ماتخافش من شوك يتنثر فى سكتك
دموع كتير .. لازم تسير
ده لو وقفت مش هاتنشف دمعتك
إياك تخاف من ظلم له طعم المرار
بكرة هاتطلع لؤلؤة فى قلب المحار
حاول وعيد .. خليك عنيد
لابد تدوق الم لأجل تحس الانتصار
بكرة هاتظهر الشمس من بين السحاب
وهاتختفى الوشوش المتلونة بلون الضباب
وتعيش لغيرك ..وتعطى خيرك
والقلب يملاه الدهب بدل التراب
ولو الناس حواليك جلدوك بسياط الكلام
واللى افتكرته حبيبك ماسابلكش غير الآلام
اغفر وسامح .. ماتكونش جارح
ده الشر ينهزم بس بزرع السلام
بكرة جايز يتأخر لكنه جاى
| بواسطة / عيوني طلبك | ||
| مشاهدات | 37 | |
| في | 2022-12-05 11:16:24 | |
حقوق التصميم والنشر 2024©