منهجٌ ...

"إِنَّهُ مَنْ يَتَّقِ وَيَصْبِرْ فَإِنَّ اللَّهَ لا يُضِيعُ أَجْرَ الْمُحْسِنِينَ"

منهجٌ إذا استقر في النفس ...سهل كل عسير
وحضر الحب ، ورحل التعب ..!
منهج يخبرك أن صبرك لن يضيع وأن مجاهدتك لنفسك لكي لا تقع في الحرام لن تضيع
إنه من يتق ..مع كل حاجة حرام بتسيبها لله افتكر "فَإِنَّ اللّهَ لاَ يُضِيعُ أَجْرَ الْمُحْسِنِينَ"
- لما تلاقي الربا سهل وكل طرقه سهله وتسيبه لله
- ولما يبقى اللبس اللي مايرضيش ربنا أسهل حاجه ممكن تلاقيها وتسيبيه لله
- ولما تسيب البنت اللي بتحبها وتسيبي الشاب اللي بتحبيه لله
خليك فاكر "فَإِنَّ اللّهَ لاَ يُضِيعُ أَجْرَ الْمُحْسِنِينَ"

صحيح الموضوع مش سهل عليك ومحتاج صبر وعشان كدة ربنا قال يتق ويصبر
- إنك بعدما سيبت الفلوس الحرام تصبر على قلة الفلوس وماتضعفش
- وتصبري على حجابك الشرعي وتتمسكي بيه مهما حسيتي نفسك غريبة
- وتصبروا على الحب لحد ماتوصل بالحلال
هتصبر وهتتعب وتجاهد نفسك بس بعد كل ده ....اطمن
"فَإِنَّ اللّهَ لاَ يُضِيعُ أَجْرَ الْمُحْسِنِينَ"
تعبك مش ببلاش ، تعبك ماضاعش
كل لحظة ألم اتحملتها وكل كلمة سمعتيها وضايقتك كل حاجة كل حاجة ....ربنا مش هيضيعها وهتلاقي أجرها كبيييير عنده بس أهم حاجة تتقي وتصبر، تبعد عن الحرام وتثبت

تنبية الادارة (0)

بواسطة / عيوني طلبك
مشاهدات	11
في	2023-05-15 10:50:01