مش كل الناس عايزاك
مش كل الناس عايزاك كلك !
فى ناس عايزة هزارك ، بتحب قعدتك و تلجألك لما تحب تضحك ..
و ناس تانية عايزة رأيك ، بيحترموا وجهة نظرك للأمور و لما بتقابلهم أمور محيراهم بيلجأولك ..
و ناس عايزة تسمعك و تساعدك من حين لآخر ، يهمهم يعرفوا أخبارك و وصلت لفين فى طريقك ..
و غيرهم عايزين يحكوا معاك عن حاجات ، مش بيحكوها لأقرب الناس ليهم .. لكن إصغائك ليهم بيحسسهم بالراحة و يساعدهم نفسياً !
إنت لازم تستوعب و تقبل الفكرة دى .. و تعرف إن لو حد فتحلك باب ، مش معناه إنك مسموحلك تدخل باقية أبوابه !
لكن الأكيد ، إن إللى بيحبك هيعوزك كلك .. هيعوز كل شئ فيك ، و يسمحلك بدخول كل أبوابه ..
بواسطة / عيوني طلبك | ||
مشاهدات | 7 | |
في | 2023-06-12 03:43:43 |
حقوق التصميم والنشر 2024©