في كلام جميل ..

في كلام جميل جدا بنقوله من وقت للتاني بيكون زي شحنه وقود بتخلي مركب ايامنا تمشي بدون توقف ((كلمه مابزعلش منك )) لكن الاجمل لو قولنا (مايهونش عليا زعلك ) بتكون حلوة في معناها جدا بتشيل كل حاجز بينكم للزعل وتقوي اي علاقه تخليها زي شريان دم موصول بين قلبين رايح جاي بيتدفق بالحب والحنان والطبطبه والأمان والاهتمام والوضوح والسند الحقيقي مش بالكلام ولا بالماديات سند احساس ومشاعر سند ثقه مبنيه علي ارض صلبه جدا بينكم.
دي العلاقات اللي ممكن عمرها ما تنهار لان اللي بينكم أساس راسخ وصلب يتحمل أي زلزال بعصف بحبكم حب الونس وحب التضحيه حب الاخلاص والثقه في كل شيء .
العلاقات اللي زي دي بتكون واضحه وتزود مش تنقص تبهج مش تكسرك تنورك مش تطفي كل حاجه جواك علاقه مريحه بدون تعصب ولا عصبيه علاقه سند حقيقي للايام والسنين كلها علشان لما تسند تتاكد محدش هيخذلك وانك متكيء علي حيطه وسند صلب مش هش..

تنبية الادارة (0)

بواسطة / عيوني طلبك
مشاهدات	12
في	2023-06-19 07:19:50